Kajwe
Kajwe uhya'paçxa tasx walajuwe'sx fxiw pejxtha'w.
A'te luuçxte kajwe's uhtha'w, fxiw uhdxkahmen
thegtha'w yu' kaatha'w. Tasx bu'çxate çxuspate
akjtha'w, sa' kafxçxa uhatha'w. Tasx walaaçte,
khuuç atalx ime davx nxiyakh abutha'w. Jxũth jxuthe
pethetha'w ki'kin khuuç, atalx ime davxnxiyakh
abutha'w.
Kajwe nxinxa's uhdeçxa' ũkhnxi
tasxte jxuna u'jwetha'w, jĩçxa teeçx
kus uta kpuse'jetha'w. kajwe's
uhdxpkaçx sekka ya'txikhekh. Sxtalte
ãsxitha'w, sa' txweyya' u'jwetha'w.
Nmeh kajwe uhdenxi's 270.000 vyuute
txweytha'w. Vxuyakha' ũ'nxisa,
atxhpa weytxi. Txihtxihpa weyuyka
piyanxi eç, fxi'jnxisa, khukhnxi.
Kajwe' sena wẽta', kuusi tudxwa'jtha'w vxitu'.
El café es sabroso. Lo preparamos y lo tomamos por la mañana.